აღდგომის ღამისთვის შეცვლილი კომენდანტის საათი – გადაადგილებაზე დაწესებული შეზღუდვა 1-ელი მაისის 23:00 საათიდან 2 მაისის 04:00 საათამდე იმოქმედებს
აღდგომის ღამეს მსურველები ეკლესიაში მისვლას თერთმეტ საათამდე შეძლებენ. უწყებათაშორისი საკოორდინაციო საბჭოს გადაწყვეტილებით, 1-2 მაისს გადაადგილებაზე დაწესებული შეზღუდვა, 21:00 საათიდან 05:00 საათამდე პერიოდის ნაცვლად, 1-ელი მაისის 23:00 საათიდან 2 მაისის 04:00 საათამდე იმოქმედებს.
ტაძრებში მოლოცვისგან განსხვავებით, მოქალაქები ახლობლების საფლავზე წითელ კვერცხს ვერც წელს გადააგორებენ. საბჭოს გადაწყვეტილებით, ჩაკეტილი იქნება სასაფლაოებამდე მისასვლელი გზები.
ამავე უწყების გადაწყვეტილებით, 4-11 მაისი უქმედ დღეებად არის გამოცხადებული.
„როგორც ცნობილია, 4-11 მაისი საქართველოში გამოცხადებულია უქმე დღეებად, რაც მობილობის შემცირებას ისახავს მიზნად. საკოორდინაციო საბჭოს გადაწყვეტილებით, 3-დან 12 მაისის ჩათვლით, შეიზღუდება მუნიციპალური ტრანსპორტის მოძრაობა”, – ნათქვამია საბჭოს მიერ გავრცელებულ ინფორმაციაში.
