სომხეთი ძალიან აფასებს საქართველოსთან მჭიდრო თანამშრომლობას – ნიკოლ ფაშინიანი

სომხეთის პრემიერ-მინისტრმა, ნიკოლ ფაშინიანმა საქართველო-სომხეთის ურთიერთობის შესახებ “ტვიტერზე” განცხადება გამოაქვეყნა. მისი თქმით, სომხეთი აფასებს და მიისწრაფის გააღრმავოს თანამშრომლობა საქართველოსთან, ყველა სექტორში.

„სომხეთი ძალიან აფასებს სომხეთისა და საქართველოს სხვადასხვა სახელმწიფო სააგენტოს შორის მჭიდრო თანამშრომლობას და მიისწრაფის ორ ერს შორის თანამშრომლობის გაფართოებისკენ მრავალსაუკუნოვანი მეგობრობისა და სტრატეგიული ურთიერთკავშირის საფუძველზე, ყველა სექტორში: ენერგეტიკაში, ტექნოლოგიებში, ტურიზმსა და სოფლის მეურნეობაში“– აცხადებს პრემიერი ნიკოლ ფაშინიანი.