დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, დღევანდელი მონაცემებით, ქვეყანაში “ომიკრონის” 63 შემთხვევა ლაბორატორიულად დადასტურებულია.
მისივე თქმით, დაავადება ყველა შემთხვევაში მსუბუქად მიმდინარეობს. ამასთან , ამირან გამყრელიძე აღნიშნავს, რომ 2-3 კვირის ფარგლებში „ომიკრონი“ საქართველოში შესაძლოა, „დელტასთან“ მიმართებით დომინანტი გახდეს.
„დღეს ქვეყანაში ლაბორატორიულად დადასტურებულია „ომიკრონის“ 63 შემთხვევა. ვპროგნოზირებთ, რომ 2-3 კვირის ფარგლებში „ომიკრონი“ ჩვენს ქვეყანაშიც შესაძლოა, „დელტასთან“ მიმართებით დომინანტი გახდეს. 63 შემთხვევიდან უმრავლესობა შემოტანილია, თითქმის ყველას კონტაქტების და ჩაღრმავებული ეპიდკვლევა მიმდინარეობს. დაავადების მძიმე მიმდინარეობა არ არის. ინფიცირებულების უმრავლესობა აცრილია“, – განაცხადა ამირან გამყრელიძემ.
