ყაზახეთის ყოფილი პრეზიდენტი ნურსულთან ნაზარბაევი, შესაძლოა, ჩინეთში იმყოფება.

ყაზახეთის ყოფილი პრეზიდენტი ნურსულთან ნაზარბაევი, შესაძლოა, ჩინეთში იმყოფება. ამ ინფორმაციას რუსული გამოცემა lenta.ru პოლიტოლოგ არკადი დუბნოვის განცხადებაზე დაყრდნობით ავრცელებს.

დუბნოვი  აღნიშნავს, რომ ნაზარბაევის ნათესავი კაირატ სატიბალდი, დუბაიში დააკავეს.

7 იანვარს პრესაში გავრცელდა ცნობა, რომ ყაზახეთის ყოფილმა პრეზიდენტმა და მისმა ქალიშვილებმა ქვეყანა დატოვეს. ადგილობრივი მედიის Orda.kz-ს მიერ გავრცელებული ინფორმაციით, ქვეყანაში ამჟამად მხოლოდ ნაზარბაევის უფროსი ძმა, ბოლათ ნაზარბაევი რჩება. ნურსულთან ნაზარბაევი საზოგადოებაში ბოლოს 27 დეკემბერს გამოჩნდა. მან სანკტ-პეტერბურგში დამოუკიდებელ სახელმწიფოთა თანამეგობრობის (დსთ) არაფორმალურ სამიტში მიიღო მონაწილეობა.