260
ხარკოვში რუსული დესანტი დაეშვა. საინფორმაცია სააგენტო „უნიანის“ ცნობით, უკრაინელი მეომრებმა მათთან ბრძოლა დაიწყეს. ამის შესახებ უკრაინის უსაფრთხოების სამსახურში განაცხადეს.
“რუსული დესანტი დაეშვა ხარკოვში. დამპყრობლები თავს დაესხნენ საავადმყოფოს – ჩრდილოეთ რეგიონის სამხედრო სამედიცინო კლინიკურ ცენტრს. დაიწყო ბრძოლა დამპყრობლებსა და უკრაინელ დამცველებს შორის”, – აღნიშნულია უწყების მიერ გავრცელებულ ინფორმაციაში.
ტელეგრამის არხის „უკრაინის ოპერატიული შეიარაღებული ძალების“ ცნობით, თავდასხმა იმ მომენტში განხორციელდა, როდესაც ქალაქში და რეგიონში საჰაერო თავდასხმის შესახებ განგაში გამოაცხადეს.
შეგახსენებთ, რომ 1 მარტის დილით რუსმა სამხედროებმა ცეცხლი ხარკოვის სამხარეო ადმინისტრაციის შენობას გაუხსნეს.
