რომის პაპი – ღვთის სახელით გთხოვთ, შეაჩერეთ ეს ხოცვა-ჟლეტა

„ ბავშვთა საავადმყოფოების და სამოქალაქო სამიზნეების დაბომბვა ბარბაროსობაა და არავითარი სტრატეგიული მიზეზი არ გააჩნია“ – რომის პაპი ფრანცისკე უკრაინაში მიმდინარე საომარ მოქმედებებს ეხმაურება.

„ღვთის სახელით, დაე მოისმინონ ტანჯული ხალხის ძახილი და შეწყდეს დაბომბვები და თავდასხმები. ღვთის სახელით გთხოვთ, შეაჩერეთ ეს ხოცვა-ჟლეტა”, – განაცხადა პაპმა საკვირაო მესის დროს.