193
დღეს,. ქართველი ჩოგბურთელი ნიკოლოზ ბასილაშვილი ,,დიდი მუზარადის” ტურნირ ,,როლან გაროსზე” მორიგ შეხვედრას ჩაატარებს.
საფრანგეთის დედაქალაქში მიმდინარე პრესტიჟული ტურნირის 1/32 ფინალში ჩვენებურის მოწინააღმდეგე 18 წლის ესპანელი ჩოგბურთელი კარლოს ალკარასი იქნება.
ალკარასი ATP-ს რეიტინგში 97-ე პოზიციაზე იმყოფება.
პირინეელს მიჯრით ბოლო 9 შეხვედრა აქვს მოგებული.
გასაკვირი არ არის, რომ აქამდე ბასილაშვილისა და ალკარასის გზები არსად გადაკვეთილა.
ნიკოლოზ ბასილაშვილმა ,,როლან გაროსზე” პირველი წრე წარმატებით გაიარა. ქართველმა სერბ დუშან ლაიოვიჩს სძლია.
ქართულ-ესპანური ჯახი თბილისის დროით 18:00 საათზეა დაგეგმილი.
