6 024 ახალი დადასტურებული შემთხვევა, 3 818 გამოჯანმრთელებული, 49 გარდაცვლილი, 3 868 აცრილი – 3 ნოემბრის კოვიდსტატისტიკა 

საქართველოში ბოლო 24 საათში კორონავირუსის 6 024 ახალი დადასტურებული შემთხვევა გამოვლინდა. ქვეყნის მასშტაბით ჩატარდა 58 291 კვლევა ტესტით, მათ შორის 36 465 კვლევა ანტიგენის ტესტით და 21 826 PCR ტესტით. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა 732 965-მდე გაიზარდა.

ბოლო 24 საათში ვირუსისგან გამოჯანმრთელდა 3 818 პირი, ხოლო ჯამში გამოჯანმრთელებულთა რაოდენობამ 673 640 შეადგინა.

უკანასკნელ დღე-ღამეში კოვიდით დაინფიცირებული 49 პაციენტი გარდაიცვალა. საქართველოში პანდემიის გავრცელებიდან დღემდე ვირუსს ჯამში 10 185 პირი ემსხვერპლა.

ბოლო 24 საათში კორონავირუსის საწინააღმდეგო ვაქცინით 3 868 ადამიანი აიცრა. ვაქცინაციის დაწყებიდან დღემდე სულ ჩატარდა 1 986 729 აცრა.