საკუთარი ექიმების დანიშნული წამლების მიღება, თუ ვინმეს წამება ჰგონია, ჰკითხეთ თქვენს ლიდერს, მეგის ქარდავას და ზედმიწევნით აგიხსნით და გაჩვენებთ, რა იყო წამება – ამის შესახებ კახა კალაძემ საკრებულოს სხდომაზე მიხეილ სააკაშვილისადმი დასმული შეკითხვის საპასუხოდ განაცხადა.
მისი თქმით, სააკაშვილი დამნაშავეა და სასჯელსაც ამიტომ იხდის.
„არავის სიამოვნებს ადამიანის დაჭერა, დაკავება და საპატიმროში ყოფნა, მაგრამ როდესაც შენ დანაშაული გაქვს ჩადენილი, როდესაც შენ შექმენი ის მმართველობა, ის სისხლიანი ბოროტება, რომელიც იყო უმძიმესი ჩვენი ქვეყნის მოსახლეობისთვის, რა თქმა უნდა, ჩვენ თუ გვინდა ვიცხოვროთ და ავაშენოთ სამართლიანი სახელმწიფო, განურჩევლად თანამდებობისა, ყველა დამნაშავემ უნდა აგოს პასუხი. მიხეილ სააკაშვილი არის კონკრეტულ საქმეებზე გასამართლებული და იხდის სასჯელს. შესაბამისად, სააკაშვილი არის დამნაშავე და ის იხდის სასჯელს.
საკუთარი ექიმების დანიშნული წამლების მიღება, თუ ვინმეს წამება ჰგონია, ჰკითხეთ თქვენს ლიდერს, მეგის ქარდავას და ზედმიწევნით აგიხსნით და გაჩვენებთ, რა იყო წამება. გვერდზე, რომ გიზით ბატონი ონიანი, ამას ჰკითხეთ წამება როგორი იყო და როგორ აწამებდნენ ადამიანებს. თქვენ ხართ კოლექტიური მეგის ქარდავები, ეს არის სამწუხარო რეალობა“, – განაცხადა კახა კალაძემ.
