“ნაციონალური მოძრაობა” თბილისის,ქუთაისის და ბათუმის მერიასთან საპროტესტო აქციას მართავს

“ნაციონალური მოძრაობის” წევრებმა და მხარდამჭერებმა ერთდროულად თბილისის, ბათუმის და ქუთაისის მერიასთან საპროტესტო აქცია გამართეს. ისინი გაძვირებულ კომუნალურ გადასახადებს აპროტესტებენ.

“ორი მოთხოვნა გვაქვს, პირველი – ტარიფების შემცირება აუცილებლად არის გადასახედი და ხელისუფლებამ უნდა უზრუნველყოს არა დაკლება, არამედ იმის უზრუნველყოფა, რა ტარიფიც აქამდე იყო.

მეორე- სემეკმა გაასაჯაროვოს ხელშეკრულება, ჩვენ რომ ვყიდულობთ ელექტროენერგიას, შუაში უჩა მამაცაშვილი რომ ჩაჯდა და ამ დრომდე არ ვიცით, რამდენი მიაქვს, ეს ხელშეკრულება გვაჩვენოს, რომ საზოგადოებამ იცოდეს, რამდენი მილიონი მიაქვს ბიძინა ივანიშვილს”, – ამბობს პარტიის წევრი ლევან ხაბეიშვილი.